في رسالة مباشرة إلى جماهير النادي الأهلي، خرج محمد الدماطي، عضو مجلس إدارة القلعة الحمراء، ليدعو إلى إعادة ترتيب الأولويات داخل البيت الأهلاوي، مؤكدًا أنه يتحدث بصفته مشجعًا قبل أن يكون مسؤولًا.
«أنا أهلاوي قبل أي شيء»
ودوّن الدماطي عبر صفحته الرسمية على «فيسبوك» رسالة مطولة، أكد فيها أن عضويته في مجلس الإدارة لم تُبعده عن كونه واحدًا من جماهير النادي، قائلًا: «أنا أهلاوي قبل أي شيء، ومش معنى إني عضو مجلس إدارة إني مبقاش جمهور، مجلس الإدارة كله جمهور».
دعوة لفتح دوائر الحوار
وأوضح عضو المجلس أن ما دفعه للظهور والتحدث هو رصده لعدد من الظواهر التي تحتاج إلى مناقشة مفتوحة، مضيفًا: «أنا بقيت شايف ظواهر كمشجع أهلاوي محتاج إني أطلع أتكلم عنها، إحنا كلنا محتاجين نقف وقفة سريعة مع نفسنا ونفتح دواير حوار، وده كان السبب الرئيسي في ظهوري، وأتمنى ده يبقى بداية كلام كتير من الجميع، كلنا بنحب الأهلي».
معايير واضحة للنجاح والإخفاق
وشدد الدماطي على أن المرحلة المقبلة تحتاج إلى وضوح في التقييم، قائلًا: «محتاجين نحدد كتالوج النجاح والإخفاق للنادي، محتاجين نعرف إمتى نضغط وإزاي، وإمتى ندعم وإزاي».
تحذير من سوشيال ميديا المنافس
وطالب عضو مجلس إدارة الأهلي جماهير النادي بعدم الانجرار وراء ما يُنشر على منصات المنافسين، معتبرًا أن الانشغال بها يمثل معركة خاسرة، قائلًا: «محتاجين نفصل خالص عن سوشيال ميديا المنافس، لأنها نجحت إنها تجرّك في معركة إحنا اللي خسرانين فيها».
عودة الجمهور إلى المدرجات
كما أكد الدماطي على أهمية الحضور الجماهيري ودعم اللاعبين من داخل الملعب بعيدًا عن الضجيج الرقمي، مضيفًا: «محتاجين نبقى في المدرج بعيد عن مين بيقود المدرج والأدوات والدخلات دلوقتي، وننتقد في الملعب ونحسس اللعيبة إننا موجودين بجد، مش كله سوشيال ميديا وتريقة على كل حاجة».
ملفات تشتت التركيز
وأشار إلى ضرورة التوقف عن الانشغال ببعض الملفات التي تستحوذ على الرأي العام الأهلاوي، قائلًا: «محتاجين نبطل نهتم بالحصريات والألبوم والطاخ، والشناوي وشوبير مع المنتخب، وتجديد إمام وهاني، محتاجين نبقى هدفنا كله إزاي نجيب بطولة».
الحفاظ على الكوادر
وحذر الدماطي من التعامل القاسي مع من يعملون لخدمة النادي، قائلًا: «محتاجين نبقى هاديين على الكوادر اللي بتحب الأهلي بجد ومش بتقصر في حاجة، عشان منبقاش بيئة طاردة».
التقييم بمعايير الأهلي لا بمعايير الخصم
وفي ختام رسالته، شدد عضو مجلس الإدارة على أن الفرح والحزن والمساءلة والتجديد يجب أن تنطلق جميعها من مقاييس النادي نفسه، قائلًا: «محتاجين نفرح ونزعل على أساس مقاييسنا، مش المقاييس اللي المنافس مخوفنا بيها، نعاقب على دستورنا ونجدد على دستورنا، محدش كده كده هيقولك برافو من المنافس».
وأنهى الدماطي رسالته بتأكيد اعتزازه بالكيان الأهلاوي وجماهيره، قائلًا: «إحنا الأهلي أعظم نادي في العالم وأعظم جمهور في الدنيا، كل المطلوب إن كلنا نوجه البوصلة صح مش أكتر».
التعليقات