أثار الإعلامي إيهاب الخطيب جدلًا واسعًا بعدما سلّط الضوء على الأرقام المالية لتعاقدات وميزانيات الأندية، وتوقف تحديدًا عند تصريحات هشام نصر، نائب رئيس نادي الزمالك، بشأن حجم إنفاق النادي وإيراداته خلال الموسم.
الأهلي والصفقات المليارية.. أرقام على الطاولة
وخلال ظهوره عبر قناة الأهلي في برنامج «هنا الأهلي»، قال الخطيب: «كان بيتقال الأهلي الملياري.. وتعالى شوف الصفقات، إمام عاشور بـ200 مليون، وزيزو بـ200 مليون، وتريزيجيه بـ300 مليون».
وأضاف مستشهدًا بمقولة الفيلسوف اليوناني سقراط: «تحدث حتى أراك.. وشوفنا إمبارح تصريحات هشام نصر، نائب رئيس الزمالك، لما قال إن الزمالك بيصرف مليار جنيه في الموسم، وإيراداته 500 مليون، يعني فيه خسائر سنوية حوالي 500 مليون جنيه».
3 مليارات جنيه.. ميزانية كرة القدم خلال 3 سنوات
وتابع الخطيب: «لو كل لاعب عقده 3 سنين بس، إحنا بنتكلم عن ميزانية كرة قدم توصل لـ3 مليار جنيه، ودي أمور طبيعية في كرة القدم، لكن قبل كده كنا بنسمع كلام عن عقود الأهلي: موثقة ولا لأ؟ واللعب النظيف، ويطلع رئيس شركة الكرة في الأهلي يوضح ويتكلم في الإعلام».
وأوضح: «أنا مش عايز أتكلم عن اللعب النظيف، لأن ده ملف شائك، لكن لما يكون عند نادي خسائر بالشكل ده، والإيرادات مش مكفية، هنا هتدخل تحت عباءة اللعب المالي النظيف، ودي قصة كبيرة».
عقود الزيزو والصفقات الغامضة
وواصل الخطيب: «قاعد تقول عقد زيزو بـ5 مليون، وسيبت العقود اللي اتعملت بألف جنيه؟ ده كلام لا يُعقل. واتقال إن فيه لاعب برازيلي جه بـ200 ألف دولار، ولو مشي نكتشف إنه اتدفع فيه 3 مليون دولار في سنة واحدة».
«العجز بتسده منين؟»
واختتم إيهاب الخطيب حديثه قائلًا: «بتسألوا فلوس الأهلي منين؟ الأهلي طلع ميزانيته.. وسؤالي الوحيد: العجز بتاعك ده بتسده منين؟ والفلوس دي بتيجي منين؟ في الآخر كل حاجة بتبان قدام الجميع».
التعليقات