أعرب زكي عبد الفتاح، مدرب حراس مرمى منتخب مصر السابق، عن إعجابه الشديد بشخصية محمد الشناوي، حارس مرمى الأهلي ومنتخب مصر، مشيدًا بقدرته الفائقة على التعامل مع الانتقادات والضغوط الجماهيرية والإعلامية.
وقال عبد الفتاح، الذي يمتلك خبرة تمتد لنحو 35 عامًا في تدريب حراس المرمى، إن الشناوي يُعد من أبرز الحراس أصحاب الشخصية القوية في تاريخ الكرة المصرية، مؤكدًا أنه لا يحتاج إلى العمل معه بشكل مباشر لتحليل شخصيته وتصرفاته.
وأوضح عبد الفتاح في تصريحاته: «أنا ما كانش ليا الشرف إني أتعامل معاك أو أشتغل معاك، بس أنا بقالي حوالي 35 سنة كمدرب، وبقدر أحلل شخصية وتصرفات حراس المرمى، ومش لازم أتعامل معاك عشان أعرف شخصيتك».
وأضاف: «إنت الحارس الوحيد في مصر اللي عنده شخصية مميزة جدًا جدًا بعد الله يرحمه ثابت البطل». مشيرًا إلى أن الشناوي يحوّل كل شيء سلبي إلى إيجابي، ولا يتحدث كثيرًا، ويضع عمله في المقام الأول، وهي صفات يصعب إيجادها في أي حارس مرمى مصري خلال الأربعين عامًا الماضية.
وتطرق عبد الفتاح إلى الضغوط الحالية التي يواجهها الشناوي، قائلًا: «أنا عارف الكلام اللي بيتقال دلوقتي، وإن المدير الفني طالع عليك والكلام ده، والدنيا كلها قايمة، بس أنا عارف تفكيرك.. إنت هتاخد الموضوع بإيجابية».
وأردف: «مش هتفكر إنك انتهيت أو خلصت، بالعكس، إنت هتشتغل على نفسك»، مستذكرًا مواقف سابقة هاجمه فيها الجمهور فكان يصمت ويركز على عمله فقط، ليُثبت للناس العكس في النهاية. وأكد أن الشناوي لم يتأثر كذلك بالمبالغات التي كانت تصفه بـ«السد العالي»، بل ظل يسعى دائمًا لأن يكون أفضل.
ووجّه مدرب الحراس السابق رسالة مطمئنة للشناوي، قائلًا: «أنا متأكد مليون في المية إنك أقل واحد دلوقتي شاغل تفكيرك بالموضوع ده.. الناس كلها حواليك شغالة تفكر فيه، وإنت مش شاغل بالك، إنت بتشتغل وبتثبت العكس».
واستكمل: «خلي أفعالك هي اللي ترد، وإنت بالفعل بتنفذ المقولة دي: الرجال أفعال مش كلام».
وأعرب عبد الفتاح عن فخره الكبير بمحمد الشناوي، معتبرًا إياه قدوة حسنة للأبناء وحراس المرمى، ومشيدًا بتواضعه الكبير، مؤكدًا أنه لم يسمعه يومًا يصف نفسه بـ«السد العالي» أو «نمبر وان» أو غيرها من الألقاب، رغم إنجازاته الكبيرة.
واختتم زكي عبد الفتاح رسالته قائلًا: «إحنا خدنا حوالي 40 سنة من أيام الكابتن ثابت البطل عشان يطلع لنا واحد تاني زي محمد الشناوي، وأعتقد بالطريقة اللي إحنا ماشيين بيها في مصر دي، ممكن ناخد كمان 40 سنة على ما تيجي شخصية تانية زي محمد الشناوي.. ما تشغلش بالك يا شناوي، وأنا عارف إنك مش محتاج تحفيز».
التعليقات