دعا الإعلامي سيف زاهر، خلال ظهوره على قناة أون سبورت، إلى تأجيل كل الحسابات والانتقادات المتعلقة بمنتخب مصر وحسام حسن، وكذلك الجدل الدائر حول محمد الشناوي ومصطفى شوبير، حتى انتهاء المواجهة المقبلة أمام جنوب السودان، مؤكدًا أن الفترة الحالية لا تحتمل أي تشتيت.
وشدد سيف زاهر على حساسية الموقف قائلًا: «إحنا عندنا ماتش مهم قدام جنوب السودان، لو خسرنا أو اتعادلنا هتبقى مشكلة كبيرة»، مطالبًا الجميع بالتركيز على المباراة قبل أي شيء آخر.
وأشار إلى الانشغال الواسع بالجدل الحالي، فقال: «الناس عايزة تحاسب حسام دلوقتي، وتدخل شوبير في الشناوي، والشناوي في شوبير، وعلى مع إبراهيم وكل القصة دي»، موضحًا أن لكل وسيلة إعلامية مدرستها ووجهة نظرها، لكن الأولوية يجب أن تبقى للمصلحة العامة للمنتخب ولمصر.
وتابع: «اتكلموا بعد الماتش وسيبوا الحساب متأجل لحد لما نعدي المرحلة دي»، مضيفًا: «نخلي الحساب وإحنا كسبانين وإحنا متصدرين المجموعة، مش دلوقتي».
أما عن موقف هاني أبو ريدة، فصرح سيف زاهر: «وهاني أبو ريدة أنا معرفش هو بيدور على مدرب جديد ولا لأ، وده مش وقته»، ليكمل: «وهاني أبو ريدة زعلان من اللي حصل، والمهندس هاني أبو ريدة طبيعي يكون زعلان، ومقدرش أطلع دلوقتي أقول إن العلاقات جيدة زي قبل كده».
وفيما يخص أزمة الشناوي وشوبير، أكد سيف زاهر: «قصة الشناوي وشوبير ملهاش أزمة»، لافتًا إلى أن الحديث عن مباراة الأهلي والزمالك تسلل إلى حسابات المنتخب، قائلًا: «والناس دخلت ماتش الأهلي والزمالك في الموضوع، ومين هيقف ومين هيشارك، والشناوي هيروح معسكر مصر الجاي ولا لأ، وكل القصص دي والمنتخب عنده ماتش مهم».
واختتم سيف زاهر حديثه بالقول: «كله متسجل، والحساب متأجل 48 ساعة، واللي عايز يتكلم يتكلم».
التعليقات